வாகன விபத்தில் பெண் பலி; 7 பேர் காயம்

எகலியகொட நகரத்தில் இடம்பெற்ற வாகன விபத்தில் ஒருவர் பலியாகியுள்ளதுடன் 7பேர் படுகாயமடைந்துள்ளனர்.

ஜீப் வண்டி, முச்சக்கரவண்டி மற்றும் மோட்டார் சைக்கிள் என்பன மோதி இந்த விபத்து ஏற்பட்டுள்ளதாக தெரிவிக்கப்படுகின்றது.

விபத்தில் உயிரிழந்தவர் மோட்டார் சைக்கிளில் பயணித்த 39 வயதான பெண் என தெரிவிக்கப்படுகின்றது.

காயமடைந்தவர்களில் 6 பேர் அவிசாவளை வைத்தியசாலையில் அனுமதிக்கப்பட்டுள்ளனர். ஒருவர் எகலியகொட வைத்தியசாலையில் அனுமதிக்கப்பட்டுள்ளார்.

ஜீப் வண்டியின் சாரதி தூக்க கலக்கத்தில் இருந்ததால் இந்த விபத்து ஏற்பட்டுள்ளதாக பொலிஸாரின் முதற்கட்ட விசாரணைகளில் தெரியவந்துள்ளது.