இந்திய பிரஜைகள் விளக்கமறியலில்

  -எம்.இஸட்.ஷாஜஹான்

வெளிநாட்டு மதுபான போத்தல்களையும் சிகரட்டுக்களையும் கொண்டு வந்த இந்திய பிரஜைகள் இருவரை எதிர்வரும் 28ஆம் திகதி வரை விளக்கமறியலில் வைக்குமாறு நீர்கொழும்பு பதில் நீதவான் சாந்த நிரிஹெல்ல உத்தரவிட்டார்.

அசார்தீன் அரிக்கான் (வயது 25) , முஹம்மத் அன்சாரி (வயது 28) ஆகியோரே இவ்வாறு உத்தரவு பிறப்பிக்கப்பட்டது.

சனிக்கிழமை(25) அதிகாலை 4.50 மணியளவில் இலங்கை விமான சேவைக்கு சொந்தமான 126 ஆம் இலக்க விமானத்தினூடாக குறித்த சந்தேக நபர்கள் சட்டவிரோதமாக 72 மதுபான போத்தல்களையும் 2,100 சிகரட்டுக்களையும் கொண்டுவந்தபோது விமான நிலைய பொலிஸாரினால்  கைது செய்யப்பட்டுள்ளனர்.

கைதுசெய்யப்பட்ட நபர்களை நீதிமன்றத்தில் ஆஜர்படுத்தியபோதே இவ்வாறு உத்தரவு பிறப்பிக்கப்பட்டது.