மகள் கொலை; தாய்க்கு விளக்கமறியல்

-எம்.எஸ்.எம்.ஹனீபா

அம்பாறை, மத்தியமுகாம் 11ஆம் கொலனி பிரதேசத்தில் மகளை அடித்துக் கொலை செய்த குற்றச்சாட்டில் கைதுசெய்யப்பட்ட தாயின் விளக்கமறியல் நீடிக்கப்பட்டுள்ளது.

இச்சந்தேக நபரை எதிர்வரும் ஜூலை 12ஆம் திகதிவரை மேலும் விளக்கமறியலில் வைக்குமாறு கல்முனை நீதவான் நீதிமன்ற நீதவான் ஐ.பயாஸ் றஸாக், இன்று செவ்வாய்க்கிழமை உத்தரவிட்டுள்ளார்.

கடந்த மே மாதம் செவ்வாய்க்கிழமை (31) தாய்க்கும் மகளுக்கும் இடையில் மதம் மாறியமை தொடர்பில் வாய்த்தர்க்கம் ஏற்பட்டதைத் தொடர்ந்து, தாய் கட்டில் பலகையால் மகள் மீது தாக்கியுள்ளார்.

இந்நிலையில் ,சம்பவ இடத்தில் உயிரிழந்த மகளின் சடலத்தை வீட்டின் பின்புறத்தில் கிடங்கு வெட்டி தாய் புதைத்துள்ளதாக விசாரணையிலிருந்து தெரியவந்தது.

தனது வளர்ப்பு மகளான செல்வநாயகம் ஜனனி (வயது 21) என்பவரை அடித்துக் கொலை செய்துவிட்டு, சடலத்தை புதைத்த சம்பவத்தை தொடர்ந்து சந்தேகத்தின் அடிப்படையில் அம்மகளின் தாய் (வயது 55) கைதுசெய்யப்பட்டிருந்தார்.