முள்ளம்பன்றி ஜோடியை இறைச்சியாக்கியோர் கைது

மயானத்தில், பாதுகாப்புக்காக தோண்டிக்கொண்ட சுரங்கத்துக்குள் இருந்த ஒருஜோடி முள்ளம்பன்றிகளை கொன்று, இறைச்சியாக்கிய இருவரை, இன்று செவ்வாய்க்கிழமை (28) கைதுசெய்துள்ளதாக மொரோந்துடுவ பொலிஸார் தெரிவித்தனர்.

களுத்துறை தெற்கு, மொரோந்துடுவ, மாவல மயானத்திலேயே குடிபுகுந்திருந்த முள்ளம்பன்றி ஜோடியை அவ்விருவரும் பிடித்துஇழுத்து கொன்று இறைச்சியாக்கியுள்ளனர்.

முள்ளம்பன்றிகளின் இறைச்சியைக் கைப்பற்றியுள்ள பொலிஸார், மேலதிக விசாரணைகளை மேற்கொண்டு வருவதுடன், சந்தேகநபர்களை நீதிமன்றத்தில் ஆஜர்செய்யவுள்ளதாகவும் தெரிவித்தனர்.