விபத்தில் ஒருவர் பலி

-சுப்பிரமணியம் பாஸ்கரன்

கிளிநொச்சி, பரந்தன் பகுதியில் இன்று செவ்வாய்க்கிழமை (26) அதிகாலை 5.30க்கு, கார் ஒன்று மோதியதில் துவிச்சக்கரவண்டியில் சென்ற ஒருவர் உயிரிழந்துள்ளதாக கிளிநொச்சிப் பொலிஸார் தெரிவித்தனர்.

தென் பகுதியிலிருந்து யாழ்ப்பாணம் நோக்கிப் பயணித்த கார் துவிச்சக்கரவண்டியில் பயணித்தவரை மோதியதில், படுகாயமடைந்த அவர் கிளிநொச்சி மாவட்ட பொது வைத்தியசாலையில் அனுமதிக்கப்பட்டு, அங்கு சிகிக்சை பலனின்றி உயிரிழந்தார்.

இந்தச் சம்பவம் தொடர்பில் கார் சாரதி பொலிஸாரால் கைதுசெய்யப்பட்டு, விசாரணைக்கு உட்படுத்தக்பட்டு வருகின்றார்.