முதலிடத்தில் கொக்குவில் சி.சி.சி

-குணசேகரன் சுரேன்

யாழ்ப்பாணம் சென்ரல் விளையாட்டுக் கழகம், ஜோர்ஜ் வெப்ஸர் வெற்றிக் கிண்ணத்துக்காக மேற்கொள்ளும் தரப்படுத்தலில், இந்த ஆண்டின் ஜனவரி மாதம் தொடக்கம் ஜூன் மாதம் வரையான ஆறு மாத காலப் பகுதியில் விளையாடிய 14 போட்டிகளில் 12 போட்டிகளில் வெற்றியீட்டிய, கொக்குவில் மத்திய சனசமூக அணி 91.78 புள்ளிகளுடன் முதலிடத்தில் உள்ளது.

யாழ்.மாவட்டத்தில் கிரிக்கெட் விளையாடும் கழகங்களை வருடா வருடம் தரவரிசைப்படுத்தும் இந்தச் செயற்பாடானது கடந்த கடந்த 2010ஆம் ஆண்டு முதல் செய்யப்படுகின்றது.

50 ஓவர் போட்டியில் வெற்றியீட்டினால் ஐந்து புள்ளிகள், 30 ஓவரில் வெற்றியீட்டினால் மூன்று புள்ளிகள், இருபதுக்கு– 20 போட்டியில் வெற்றியீட்டினால் இரண்டு புள்ளிகள் வழங்கப்படுகின்றன. இதனை விட, பெறப்படும் தலா 10 ஓட்டங்களுக்கு 0.1 புள்ளிகளும் எதிரணியில் வீழ்த்தப்படும் ஒவ்வொரு விக்கெட்டுக்கும் 0.1 புள்ளிகளும் வழங்கப்படுகின்றன.

இந்தப் புள்ளி வழங்கல் அடிப்படையில் கொக்குவில் சி.சி.சி அணி முதலிடத்தையும் விளையாடிய 13 போட்டிகளில் 11 போட்டிகளில் வெற்றிபெற்று 77.10 புள்ளிகள் பெற்ற திருநெல்வேலி கிரிக்கெட் கழகம் இரண்டாமிடத்தையும், விளையாடிய 13 போட்டிகளில் 9 போட்டிகளில் வெற்றிபெற்று, 66.62 புள்ளிகள் பெற்ற மானிப்பாய் பரிஸ் அணி மூன்றாமிடத்தையும் பெற்றுக்கொண்டன.

தொடர்ந்து நான்காமிடத்தை 58.06 புள்ளிகள் பெற்ற ஜொலிஸ்ரார் அணியும் ஐந்தாமிடத்தை 57.89 புள்ளிகள் பெற்ற சென்றலைட்ஸ் அணியும் ஆறாமிடத்தை 57.68 புள்ளிகள் பெற்ற வட்டுக்கோட்டை ஓல்கோல்ட்ஸ் அணியும் ஏழாவது இடத்தை 55.73 புள்ளிகள் பெற்ற யாழ்ப்பாணப் பல்கலைக்கழக அணியும் எட்டாவது இடத்தை 48.26 புள்ளிகள் பெற்ற ஜொனியன்ஸ் அணியும் ஒன்பதாவது இடத்தை 37.24 புள்ளிகள் பெற்ற பற்றீசியன் அணியும் 10 ஆவது இடத்தை 34.42 புள்ளிகள் பெற்ற ஹாட்லியைற்ஸ் அணியும் பெற்றுக்கொண்டன.