போதை பொருள் விற்பனை: தகவல்கள் திரட்டப்படுகின்றன

ஆ.ரமேஸ்

நுவரெலியா மாட்டத்தில் சட்டவிரோத போதை பொருட்களை விற்பனை செய்வோர் மீது, கடும் நடவடிக்கைகளை எடுக்கவுள்ளதாகவும் இவர்கள் தொடர்பிலான விபரங்களை திரட்டி வருவதாகவும் நுவரெலியா பொலிஸார் தெரிவித்தனர்.

இதற்காக, நுவரெலியா பொலிஸின் விசேட பொலிஸ் பிரிவினர்  கொட்டகலை, தலவாக்கலை, ஹட்டன்  ஆகிய நகரங்களில் நேற்றுச் செவ்வாய்க்கிழமை தகவல் திரட்டும் நடவடிக்கையில் ஈடுபட்டனர்.

நுவரெலியா மாவட்டத்துக்குட்பட்ட பிரதான நகரங்களிலுள்ள சில வியாபார நிலையங்களில், மாவா பாக்கு,  புகையிலை தூள் கலக்கப்பட்ட பீடா மற்றும் போதை தரக்கூடிய பொருட்கள் விற்பனை செய்யப்பட்டு வருவதாக கிடைக்கப்பெற்ற தகவல்களைத் தொடர்ந்தே இவ்விசேட நடவடிக்கை முன்னெடுக்கப்பட்டு வருகின்றது.