யதன்சைட் தோட்டக் குடியிருப்புக் கூரைகளை மாற்ற நடவடிக்கை

மு.இராமச்சந்திரன்

கொட்டகலை யதன்சைட் தோட்டத்திலுள்ள தொழிலாளர் குடியிருப்புக்களின் கூரை தகரங்களை மாற்றும் நடவடிக்கைகள் தற்போது முன்னெடுக்கப்பட்டு வருகின்றன.

இத்தோட்டத்திலுள்ள குடியிருப்புகளில் கூரைத்தகரங்கள் நீண்டகாலமாக, மாற்றப்படாமல் இருப்பதால் தொழிலாளர்கள் பல்வேறு சிரமங்களை எதிர்கொண்டு வந்தனர்.

இந்நிலையில்,  மலையக புதிய கிராமங்கள் , உட்கட்டமைப்பு வசதிகள் மற்றும் சமுதாய அபிவிருத்தி அமைச்சின் ஊடாக இங்குள்ள குடியிருப்புக்களின் கூரைத்தகரங்கள் மாற்றப்பட்டு வருகின்றன.

ஏனைய குடியிருப்புக்களின் கூரைத்தகரங்கள், அடுத்த வருட ஆரம்பத்தில் மாற்றுவதற்கு நடவடிக்கைகள் மேற்கொள்ளப்பட்டுள்ளன.

இந்தத்  தோட்டத்துக்கு  விஜயம் மேற்கொண், மத்திய மாகாணசபை உறுப்பினர் சோ.ஸ்ரீதரன் , தொழிலாளர் தேசிய சங்கத்தின் உதவிச்செயலாளர் ராஜமாணிக்கம் , முக்கியஸ்தர் சோமசுந்தரம்,தோட்டத் தலைவர் செல்லையா ஆகியோர் , தோட்டத்தில் நிலவி வரும் குறைபாடுகளை கேட்டறிந்துகொண்டனர்.