ஹெரோயின் வைத்திருந்த 11 பேர் கைது

எம்.செல்வராஜா

ஹெரோயின் வைத்திருந்த குற்றச்சாட்டின் பேரில், 11 பேரை, தியத்தலாவை பொலிஸார், தியத்தலாவை நகரில் வைத்து, இன்றுக் கைதுசெய்துள்ளனர்.

தியத்தலாவை நகரில், இன்று மேற்கொள்ளப்பட்ட திடீர் சுற்றிவளைப்பின்போதே, மேற்படி 11 பேரும் கைதுசெய்யப்பட்டுள்ளனர்.

முதலில், 'குடு ராஜா' என்றழைக்கப்படும் நபரையும் மற்றுமொருவரையும்; கைதுசெய்த பொலிஸார் அவர்களிடமிருந்து, 1 கிராம் 452 மில்லிகிராம் ஹெரோயினை  கைப்பற்றினர். அவர்களிடம் மேற்கொண்ட விசாரணைகளைத் தொடர்ந்தே, மேலும் 9 பேரை பொலிஸார் கைதுசெய்தனர்.

இவர்களை நீதிமன்றில் ஆஜர்படுத்துவதற்கான நடவடிக்கையில் பொலிஸார் ஈடுபட்டு வருகின்றனர்.