கிராமிய வைத்தியசாலைகளின் அபிவிருத்திக்கு நிதி ஒதுக்கீடு
03-03-2017 11:11 AM
Comments - 0       Views - 7

எம்.யூ.எம். சனூன்

புத்தளம் மாவட்டத்திலுள்ள கிராமிய வைத்தியசாலைகள்,  சகல வசதிகளுடன் கூடிய வைத்தியசாலைகளாக தரமுயர்த்தப்படவுள்ளன.

இதற்கான முதற்கட்ட நடவடிக்கையாக சுமார் 70 மில்லியன் ரூபாயை, சுகாதார பிரதியமைச்சர் பைசல் காசீம் வழங்கியுள்ளதாக,  வடமேல் மாகாண சபை உறுப்பினர் எஸ்.எச்.எம். நியாஸ் தெரிவித்தார்.

இந்நிதியில், முந்தல் பிரதேச செயளாளர் பிரிவின் புழுதிவயல் வைத்தியசாலைக்கு 20 மில்லியன் ரூபாயும், கரைத்தீவு வைத்தியசாலைக்கு 20 மில்லியன் ரூபாயும், பாலாவி நாகவில்லு வைத்தியசாலைக்கு 30 மில்லியன் ரூபாயும் ஒதிக்கீடு செய்யப்பட்டுள்ளதாக  அவர்  தெரிவித்தார்.

இந்நிதி ஒதுக்கீடு தொடர்பான கலந்துரையாடலொன்று,  புதன்கிழமை (01) சுகாதார அமைச்சில் நடைபெற்றது.

இந்தச் சந்திப்பில் வட மாகாண சபை உறுப்பினர் றயீஸ் மற்றும் சுகாதார அமைச்சின் அதிகாரிகளும் கலந்து கொண்டனர்.

சுகாதார அமைச்சர் ராஜித சேனாரத்னவின் கிராமிய வைத்தியசாலைகளை தரமுயர்த்தல் கருத்திட்டத்திட்டத்துக்கு அமைவாக, இந்நிதி ஒதிக்கீடு செய்யப்பட்டுள்ளமை குறிப்பிடத்தக்கது.

"கிராமிய வைத்தியசாலைகளின் அபிவிருத்திக்கு நிதி ஒதுக்கீடு" இந்த செய்திக்காக கிடைத்துள்ள கருத்துக்கள்... (0)




Leave a comment
Name :
Name is required
Email :
Email is required
Comment :
Comment cannot be empty