யுவதிக் கொலை:விசாரணைகள் ஆரம்பம்

அவிசாவளை, யாஹெல்லவத்த பகுதியில் கூரிய ஆயுதத்ததால் குத்திக் கொலைசெய்யப்பட்ட யுவதியின் மரணம் தொடர்பில், அவிசாவளை பொலிஸார் விசாரணைகளை ஆரம்பித்துள்ளனர்.

இச்சம்பவத்துடன் தொடர்புடையதாகக் கூறப்படும் இளைஞரொருவரும் கைதுசெய்யப்பட்டுள்ளதாக  பொலிஸார் மேலும் கூறினார்.

மேற்படி பிரதேசத்தில் வசித்து வந்த 20 வயது யுவதியொருவர், ஞாயிற்றுக்கிழமை மாலை கூரிய ஆயுதத்தால் குத்திக் கொலை செய்யப்பட்டார்.

பலாங்கொடையை பிறப்பிடமாகக் கொண்ட யுவதியே இவ்வாறு குத்திக் கொலை செய்யப்பாட்டார். மேற்படி யுவதி தொழில் நிமித்தம், அவிசாவளையில் தங்கியிருந்ததாக விசாரணைகளில் தெரியவந்துள்ளது.

காதல் விவகாரமே இக்கொலைக்கு காரணமென, ஆரம்பக்கட்ட விசாரணைகளில் தெரியவந்துள்ளது.