ஆசிரியரின் இடமாற்றத்தை நிறுத்த கோரி ஆர்ப்பாட்டம்
20-03-2017 12:12 PM
Comments - 0       Views - 15

எஸ்.கணேசன், கு.புஸ்பராஜ், எஸ்.சுஜிதா

லிந்துலை, பம்பரக்கலை விவேகலையா பாடசாலையில், கடந்த 7 வருடங்களாக தமிழ்ப் பாட ஆசிரியராக பணியாற்றி வரும் ஆசிரியரை இடமாற்றம் செய்ய வேண்டாம் என்று கோரி, பெற்றோர் மற்றும் மாணவர்கள் நேற்று, பாடசாலை முன்றலில் ஆர்ப்பாட்டத்தில் ஈடுபட்டனர்.

சுமார் 3 மணித்தியாலங்களுக்கும் மேலாக, இவ்வார்ப்பாட்டம் முன்னெடுக்கப்பட்டது.

“போராடுவோம் போராடுவோம்  எங்கள் ஆசிரியர் எங்களது பாடசாலையிலேயே இருக்க அனுமதி கொடுக்கும் வரை போராடுவோம்”, “7 வருடங்களாக எங்களுக்கு கற்பித்த ஆசிரியரை வெளிப்பாடசாலைக்கு செல்ல அனுமதிக்க மாட்டோம்”, “தரம் 11 வகுப்பாசிரியரை வேறொரு பாடசாலைக்கு இடமாற்றம் செய்தால் பெற்றோர்களாகிய எங்களது நடவடிக்கை கடுமையானது” வாசகங்கள் எழுதப்பட்ட சுலோக அட்டைகளை தாங்கியவாறு, மாணவர்கள் மற்றும் பெற்றோர் ஆர்ப்பாட்டத்தில் ஈடுபட்டனர்.

ஆசிரியரின் இடமாற்றத்தை இரத்து செய்ய வேண்டும் எனவும்,  தீர்வுக் கிடைக்கும் வரை போராடுவோம் எனவும் ஆர்ப்பாட்டக்காரர்கள் இதன்போது கூறினர்..

இந்தப் போராட்டத்தினால் மாணவர்களின் கல்வி நடவடிக்கைகளும் பாதிக்கப்பட்டமை குறிப்பிடதக்கது.

"ஆசிரியரின் இடமாற்றத்தை நிறுத்த கோரி ஆர்ப்பாட்டம்" இந்த செய்திக்காக கிடைத்துள்ள கருத்துக்கள்... (0)




Leave a comment
Name :
Name is required
Email :
Email is required
Comment :
Comment cannot be empty