11 கோடி ரூபாய் பெறுமதியான மருந்துகள் காலாவதி

அரச மருந்தாக்கல் கூட்டுத்தாபனத்துக்கு சொந்தமான களஞ்சியசாலையில் உள்ள, 11 கோடி ரூபாய் பெறுமதியான மருந்து வகைகள், காலாவதி திகதியை அண்மித்துள்ளதாக சுகாதரா அமைச்சு வட்டார தகவல்கள் தெரிவிக்கின்றன.   

பல்வேறு வகைகளைச் சேர்ந்த மருந்துகள் இவ்வாறு காலவதியாகியுள்ளதாகவும், அவை காலவதி திகதியை அண்மித்துள்ளமை தொடர்பில், தொடர்ந்தும் கணக்கெடுப்பு நடத்தப்பட்டு வருவதாக அந்த தகவல்கள் தெரிவிக்கின்றன.   

53 மருந்து வகைகள் மார்ச், ஏப்ரல், மே, ஜுன், ஜுலை மற்றும் செப்டெம்பர் மாதங்களில் காலாவதியடையும் என, கணக்கெடுக்கப்பட்டுள்னதாகத் தகவல்கள் குறிப்பிட்டுள்ளன.   

அரச மருந்தாக்கல் கூட்டுத்தாபனத்தின் முறையற்ற முகாமைத்துவம் காரணமாக, இவ்வாறான பல கோடி ரூபாய் பெறுமதியாக மருந்துகள் நாசமடைய நேரிட்டுள்ளதாக அந்தத் தகவல்கள் மேலும் தெரிவிக்கின்றன.