சங்குகளுடன் ஒருவர் கைது

புத்தளம், கற்பிட்டி களப்புக்கு ஓரமாகவுள்ள வீதியில் முச்சக்கரவண்டியொன்றில் 204  இனச் சங்குகளைக் கொண்டு சென்ற  நபரொருவரை, நேற்றுக் கைதுசெய்துள்ளதாக, கற்பிட்டிப் பொலிஸார் தெரிவித்தனர்.

மீன்பிடி மற்றும் நீர்வன சட்டத்தில் சங்குகளை வைத்திருத்தல், கொண்டு செல்லல் மற்றும் விற்பனை செய்தல் ஆகியன தடை செய்யப்பட்டுள்ளதாகக் கற்பிட்டிப் பொலிஸார் சுட்டிக்காட்டினர்.

மோசடிக்காரர்கள், சங்குகளை இந்தியாவுக்குக் கடத்திச் செல்வதுடன்,  அங்கு இவை அலங்காரப் பொருட்கள் செய்யப்பயன்படுத்தப்படுகின்றன.

இந்த அலங்காரப் பொருட்களுக்கு, தாய்லாந்து, மாலைத்தீவு மற்றும் பங்களாதேஷ் ஆகிய நாடுகளில் உயர் கேள்வியுள்ளமை குறிப்பிடத்தக்கது.