பழைய பொருட்கள் களஞ்சியப்படுத்தும் இடத்தில் தீ

எம்.எஸ்.எம்.நூர்தீன்

காத்தான்குடி பொலிஸ் பிரிவுக்குட்பட்ட சிகரம் பிரதேசத்திலுள்ள காணியொன்றில் வாகனங்களின் பழைய உதிரிப்பாகங்கள் மற்றும் பழைய பொருட்கள் களஞ்சியப்படுத்தப்பட்டிருந்த இடம் நேற்று (27) மாலை தீப்பிடித்து எரிந்ததில், அங்கிருந்த பழைய பொருட்கள் எரிந்து சேதமடைந்துள்ளன என்று, காத்தான்குடிப் பொலிஸார் தெரிவித்தனர்.

மாலை 5.30 மணியளவில் இவ்விடத்தில் தீப்பிடித்துள்ளது. இதனையடுத்து, அங்கு விரைந்த பொலிஸார் மற்றும் சிகரம் கிராம பொதுமக்கள் தீயை அணைத்து கட்டுப்பாட்டுக்குள் கொண்டு வந்தனர்.

 இது தொடர்பாக விசாரணைகளை நடாத்தி வருவதாக காத்தான்குடி பொலிஸார் தெரிவித்தனர்.