காலாவதியான உணவுப் பொருட்கள் விற்பனை

அம்பாறை, அட்டாளைச்சேனை பிரதேசத்திலுள்ள வர்த்தக நிலையங்களில் நுகர்வுக்குப் பொருத்தமில்லாத காலவதியான உணவுப் பொருட்களை விற்பனை செய்வதாக, பொதுமக்கள் தெரிவிக்கின்றனர்.

அட்டாளைச்சேனை, பாலமுனை மற்றும் ஒலுவில் ஆகிய பிரதேசங்களிலுள்ள சில்லறை விற்பனை நிலையங்களில், காலாவதியான குளிர்பானங்கள், பால்மா வகைகள், வாசனைத் திரவியங்கள் போன்றவை விற்பனை செய்யப்படுவதுடன், விலைப்பட்டியல் காட்சிப் படுத்தப்படாமல் உள்ளதாகவும் பொது மக்கள் சுட்டிக்காட்டுகின்றனர்.

இது தொடர்பாக, சம்மந்தப்பட்ட அதிகாரிகள் நடவடிக்கையெடுக்க வேண்டுமென மக்கள் கோரிக்கை விடுத்துள்ளனர்.