கொவிட்-19; இந்தியாவில் 55 பேர் பலி

தமிழகம்

இந்தியாவில்    கோவிட்-19  தொற்றியுள்ளோர் எண்ணிக்கை  மார்ச் 31 நிலவரப்படி 1,590 ஐக் கடந்தது என்றும் பலி எண்ணிக்கை 55 என்றும் சுகாதார அமைச் சகம் மற்றும் மாநில அரசுகளின் தரவுகள் தெரிவிக்கின்றன.

உலகம் முழுதும் கோவிட்-19 தொற்றுக்குப் பாதிக்கப் பட்டோர் எண்ணிக்கை 8 இலட்சத்தையும் கடந்தது. பலி எண்ணிக்கை 42,000ஐ கடந்து கோவிட்-19 கோரத் தாண்டவத்தை நடத்தி வருகிறது.

டெல்லி அரசு மருத்துவமனை மருத்துவருக்கு கோவிட்-19 தொற்று உறுதியாகியுள்ளது.

இந்தூரில் 19 புதிய கோவிட்-19 தொற்றுக் கண்டுபிடிக்கப்பட்டுள்ளது. பாதிப்பு எண்ணிக்கை  ம.பி.யில் 63 ஆக அதிகரித்து ள்ளது.

இராஜஸ்தானில் இன்று காலை 9 மணி வரை புதிய கோவிட்-19 தொற்று எதுவும் இல்லை. இம்மாநிலத்தில் மொத்தமாக 93 பேர்  பாதிக்கப்பட்டுள்ளனர்.

டெல்லி மசூதியில் வழிபாட்டுக்காக கூடியதாகக் கூறப்படுபவர்களில் கோவிட்-19  தொற்றுக்கு இலக்கான வர்களால் பாதிப்பு 128 என்று அரசு தரப்பு செய்திகள் தெரிவிகின்றன.

தப்லிக் மசூதி விவகாரத்தில் 2,137 பேரை அடையாளம் கண்டுள்ளதாக மத்திய அரசு தெரிவித்துள்ளது. இவர்கள் பல்வேறு மாநிலங்களில் தனிமைப்படுத்தப்பட்டு மருத்துவ சோதனைகள் நடத்தப்பட்டு வருகின்றன.