பெண்களை ஆபாசமாக படமெடுத்த இளைஞன் கைது

பெண்களை ஆபாசமாக படமெடுத்து, அதனை ஃபேஸ்புக்கில் பதிவேற்றம் செய்த  இளைஞர் ஒருவரை பொலிஸார் கைது செய்துள்ளனர்.  அவர், தனது குடும்ப பெண்களின் புகைப்படங்களையும் ஆபாசமாக சித்தரித்து பதிவேற்றி இருப்பது விசாரணையில் தெரியவந்துள்ளது.

பெண்கள் சிலரின் அந்தரங்கப் புகைப்படங்களும், வீடியோக்களும் ஃபேஸ்புக்கில் பரப்பப்டுவதாக காவல்துறையினருக்கு புகார்கள் வந்தன. அதுகுறித்த விசாரணையில், பெரிய காஞ்சிபுரத்தைச் சேர்ந்த கயாஸ் முகமது என்பவருக்கு இதில் தொடர்பு உள்ளதாக தெரிய வந்தது. 

முதுகலைப் பட்டம் படித்த முகமது, ராயப்பேட்டையில் தனியார் மருத்துவமனை ஒன்றில் ஒருங்கிணைப்பாளராக பணிபுரிந்து வந்துள்ளார்.

பொலிஸாரின் விசாரணையில், ஆபாச படங்களை தான் தொடர்ந்து பார்த்து வந்ததால் பெண்கள் உடல் மீதான மோகத்தில், ஆபாசமாக புகைப்படங்கள் மற்றும் வீடியோக்களை எடுக்க ஆரம்பித்ததாக தெரிவித்ததாக கூறப்படுகிறது. 

வீதிகளில், பேருந்துகளில், ரயில்களில் பெண்கள் செல்லும்போது ஆபாசமாக படம் எடுத்து, அதனை தவறாக சித்திரித்து தனது அடையாளங்களை காட்டிக்கொள்ளாமல் புதியதாக ஃபேஸ்புக் கணக்கு ஆரம்பித்து அதில் பதிவேற்றம் செய்து வந்ததாக வாக்குமூலம் அளித்துள்ளதாக பொலிஸார் தெரிவித்துள்ளனர்.