அல் கொய்தா சிரேஷ்ட தலைவர் அல் மஸ்ரியை கொன்ற ஆப்கானிஸ்தான் படைகள்

ஐக்கிய அமெரிக்காவின் புலன் விசாரணை கூட்டாட்சிப் பணியகத்தின் (எஃப்.பி.ஐ) மிகவும் வேண்டப்படும் பயங்கரவாதிகள் பட்டியலிருந்த அல் கொய்தா சிரேஷ்ட தலைவரொருவரான அபு முஹ்சின் அல்-மஸ்ரியை ஆப்கானிஸ்தான் பாதுகாப்புப் படைகள் கொன்றதாக அந்நாட்டு தேசிய பாதுகாப்பு இயக்குநரகம் டுவீட்டொன்றில் நேற்று  இரவு தெரிவித்துள்ளது.

இந்நிலையில், அல்-மஸ்ரியின் இறப்பை ஐ. அமெரிக்க தேசிய பயங்கரவாத்துக்கெதிரான நிலையத்தின் தலைவர் கிறிஸ் மில்லர் அறிக்கையொன்றில் உறுதிப்படுத்தியுள்ளார்.

அல் கொய்தாவின் இரண்டாவது கட்டளைத் தளபதியாக நம்பம்படும் அல்-மஸ்ரி, கஸ்னி மாகாணத்தில் இடம்பெற்ற சிறப்பு நடவடிக்கையொன்றில் கொல்லப்பட்டதாக தேசிய பாதுகாப்பு முகவரகம் தெரிவித்துள்ளது.