இந்தியாவில் கொவிட்-19 தொற்றுக்குள்ளானோரின் எண்ணிக்கை 5 மில்லியனைத் தாண்டியது

இந்தியாவில் இன்று காலை 9.08 மணி வரையில் கொவிட்-19 தொற்றுக்குள்ளானோரின் எண்ணிக்கையானது 90,123-ஆல் உயர்ந்து 5,020,359-ஆகக் காணப்படுவதுடன், கொவிட்-19-ஆல் உயிரிழந்தோரின் எண்ணிக்கையானது 1,290-ஆல் உயர்ந்து 82,066ஆக அதிகரித்துள்ளது.

ஐக்கிய அமெரிக்காவில் இலங்கை நேரப்படி இன்று  காலை 7.20 மணி வரையில் கொவிட்-19 தொற்றுக்குள்ளானோரின் எண்ணிக்கையானது 6,609,420-ஆகக் காணப்படுவதுடன், கொவிட்-19-ஆல் உயிரிழந்தோரின் எண்ணிக்கையானது 195,718-ஆகக் காணப்படுகின்றது.

பிரேஸிலானது நேற்றுப் புதிதாக 1,113 புதிய கொவிட்-19 தொற்றுக்களை பதிவுசெய்துள்ளதாக அந்நாட்டு சுகாதாரமைச்சு தெரிவித்துள்ள நிலையில் அங்கு கொவிட்-19-ஆல் உயிரிழந்தோரின் எண்ணிக்கையானது 133,119ஆகக் காணப்படுவதுடன், கொவிட்-19 தொற்றுக்குள்ளானோரின் எண்ணிக்கையானது 36,653-ஆல் உயர்ந்து 4,382,263ஆகக் காணப்படுகின்றது.

அந்தவகையில், உலகளாவிய ரீதியில் கொவிட்-19 தொற்றுக்குள்ளானோரின் எண்ணிக்கையானது 30 மில்லியனை நெருங்குவதுடன், கொவிட்-19-ஆல் 935,000 பேர் உயிரிழந்துள்ளனர்.