‘அவர் நன்றாகத் திரும்பியிருப்பது நன்று’

வடகொரியத் தலைவர் கிம் ஜொங் உன் பொதுவெளியில் மீளத் தோன்றியிருக்கும் அறிக்கைகளுக்கு நேற்று முன்தினம் பதிலளித்துள்ள ஐக்கிய அமெரிக்க ஜனாதிபதி டொனால்ட் ட்ரம்ப், அவர் திரும்பிருப்பது நல்லது என்று டுவீட் செய்துள்ளார்.

தலைவர் கிம் ஜொங் உன்னின் உடல்நிலை குறித்து பரவலாக வாரக் கணக்காக அச்சம் வெளியிடப்பட்டதைத் தொடர்ந்து, வடகொரியத் தலைநகர் பியொங்யாங்குக்கு வடக்காகவுள்ள உரத் தொழிற்சாலையொன்றின் பூர்த்தியில் நேற்று முன்தினம் அவர் பங்கேற்றதாக வடகொரிய அரச ஊடகம் நேற்றுத் தெரிவித்திருந்தது. கடந்த மாதம் 11ஆம் திகதிக்குப் பின்னரான தலைவர் கிம் ஜொங் உன்னின் பிரசன்னம் குறித்த முதலாவது தகவல் இதுவாகும்.