ஆப்கானில் கொல்லப்பட்டோர் எண். 22ஆக உயர்வு

ஆப்கானிஸ்தானில் நேற்று முன்தினம் (13) மேற்கொள்ளப்பட்ட குண்டுத் தாக்குதலில் கொல்லப்பட்டோரின் எண்ணிக்கை, 22ஆக உயர்வடைந்துள்ளது என, அந்நாட்டு அதிகாரிகள், நேற்று (14) தெரிவித்தனர். அத்தோடு, மேலும் 36 பேர் காயமடைந்தனர் எனவும், அதிகாரிகள் குறிப்பிட்டனர்.

வடகிழக்கு மாகாணமான தஸ்கரில், பெண் வேட்பாளர் ஒருவரின் தேர்தல் பிரசாரக் கூட்டத்திலேயே இத்தாக்குதல் மேற்கொள்ளப்பட்டிருந்தனர்.

ஆப்கானிஸ்தானின் நாடாளுமன்றத் தேர்தல், எதிர்வரும் 20ஆம் திகதி இடம்பெறவுள்ள நிலையில், வன்முறைகளும் அதிகரித்துள்ளன. இதுவரை, 9 வேட்பாளர்கள், தாக்குதல்கள் காரணமாகக் கொல்லப்பட்டுள்ளனர்.