இந்தோனேஷியா அனர்த்தத்தில் 101 பேர் உயிரிழப்பு

இந்தோனேஷியா, கிழக்குத் திமோரை நேற்று தாக்கிய வெள்ளம், நிலச்சரிவுகளால் குறைந்தது 101 பேர் உயிரிழந்துள்ளனர்.

பருவகால மழை காரணமாக அணைகளை மீறி வெள்ளம் பாய்வதுடன், ஆயிரக்கணக்கான வீடுகள் மூழ்கியுள்ள நிலையில், இந்தோனேஷியாவும், கிழக்குத் திமோரும் பரவலாகப் பாதிக்கப்பட்டுள்ளன.

கிழக்கு இந்தோனேஷியாவிலுள்ள புளோரஸ் தீவிலிருந்து கிழக்குத் திமோர் வரையான பகுதியே கடுமையாகப் பாதிக்கப்பட்டுள்ளது.

இந்தோனேஷியால் மாத்திரம் 80 பேர் உயிரிழந்ததுடன், டசின் கணக்கானோரை இன்னும் காணவில்லையென்ற நிலையில், உயிரிழந்தோரின் எண்ணிக்கை அதிகரிக்கலாமென அதிகாரிகள் தெரிவித்துள்ளனர்.

மண், மோசமான வானிலையானது மோசமானதொரு சவாலொன்றாகியுள்ளதுடன், குவிந்து போயுள்ள சிதைவுகள், தேடுதல் மற்றும் மீட்பு அணிக்குத் தடையேற்படுத்துவதாக, இந்தோனேஷிய இடர் தடுப்பு முகவரகம் பேச்சாளர் றடிட்யா டிஜாடி செய்தியாளர்களிடம் தெரிவித்துள்ளார்.

இந்நிலையில், கிழக்குத் திமோரில் குறைந்தது 21 பேர் உயிர்ரிழந்துள்ளதாக, அங்குள்ள அதிகாரிகளை மேற்கோள்காட்டி செய்தி முகவரகங்கள் செய்தி வெளியிட்டுள்ளன.