‘ஐ. அமெரிக்க ஒப்பந்தக்காரர்களுள்ள தளத்தின் மீது றொக்கெட் தாக்குதல்’

ஈராக்கின் தலைநகர் பக்தாத்துக்கு வடக்காக பலாட்டிலுள்ள ஈராக்கிய இராணுவ வான் தளத்தை சில றொக்கெட்டுகள் நேற்று தாக்கியதாகவும், ஈராக்கிய ஒப்பந்தகாரரொருவர் காயமடைந்ததாகவும் ஈராக்கிய பாதுகாப்பு அதிகாரிகள் நேற்று முன்தினம் தெரிவித்துள்ளனர்.

இத்தாக்குதலுக்கு எக்குழுவும் உடனடியாக உரிமை கோரியிருக்கவில்லை.

தளத்தை நான்கு றொக்கெட்டுகள் தாக்கியதாக ஈராக்கிய இராணுவம் தெரிவித்துள்ளது. மூன்று றொக்கெட்டுகள் தாக்கியதாகத் தெரிவித்த ஈராக்கிய பாதுகாப்பு அதிகாரிகள், ஒப்பந்தகாரர் ஆபத்தில்லாத காயமடைந்ததாகக் கூறியுள்ளனர்.

ஊடகத்துடன் உரையாட அனுமதியில்லாததால் அடையாளந்தெரியாமலே குறித்த தகவலை அதிகாரிகள் தெரிவித்துள்ளனர்.