கொவிட்-19 ஊரடங்கை நிறுத்த நீதிமன்றம் உத்தரவு

கொவிட்-19 பரவலைக் குறைப்பதற்கான இரவு நேர ஊரடங்கு நீக்கப்பட வேண்டுமென நெதர்லாந்து அரசாங்கத்துக்கு தெரிவித்துள்ள ஹேக்கிலுள்ள நீதிமன்றமொன்று, இது சுயாதீன நடமாட்ட உரிமையை மீறுவதாகத் தீர்ப்பளித்துள்ளது.

உண்மையாக அவசரநிலை இல்லாத நிலையில், அவசரகாலச் சட்டமொன்றால் இரவு ஒன்பது மணி தொடக்கம் அதிகாலை 4.30 மணி வரையில் ஊரடங்கு அமுல்படுத்தப்பட்டுள்ளதாக நீதிமன்றம் தெரிவித்துள்ளது.

இந்நிலையில், நாளை மறுதினம் மேன்முறையீடு வரையில் ஊரடங்கு நடைமுறையிலிருக்கலாம் என உயர் நீதிமன்றமொன்று பின்னர் தீர்ப்பளித்துள்ளது.

கடந்த மாதம் அமுல்படுத்தப்பட்ட ஊரடங்கால் சில நெதர்லாந்து நகரங்களில் வன்முறைகள் ஏற்பட்டிருந்தன.