‘செங்கடலில் வெடிகுண்டுப் படகுகள் அழிக்கப்பட்டன’

செங்கடலில் இரண்டு வெடிகுண்டுப் படகுகளை யேமனில் ஈரானி ஆதரவு பெற்ற ஹூதிக் குழுவுடன் போராடும் சவுதி அரேபியா தலைமையிலான இராணுவக் கூட்டணி நேற்று அழித்ததாக கூட்டணியின் பேச்சாளரொருவர் தெரிவித்துள்ளார்.

தொலைவிலிருந்து இயக்கப்படும் இரண்டு படகுகளும் ஹூதிப் படைகளுக்குச் சொந்தமானவை என்றும் கடற்கண்காணிப்பை அச்சுறுத்தியதாகவும் பேச்சாளரின் அறிக்கையில் சவுதி அரேபிய அரச செய்தி முகவரகமான எஸ்.பி.ஏயில் தெரிவிக்கப்பட்டுள்ளது.