துருக்கி கப்பல் இடைமறிப்பு: ஜேர்மனி, துருக்கி மாறி மாறிக் குற்றச்சாட்டு

மத்தியதரைக்கடலிலுள்ள ஐரோப்பிய ஒன்றிய இராணுவ நடவடிக்கை சார்பில் துருக்கிக் கப்பலொன்றில் ஜேர்மனியப் படைவீரர்கள் ஏறியதையடுத்து துருக்கியும், ஜேர்மனியும் மாறி மாறி நேற்றுக் குற்றச்சாட்டுக்களை முன்வைத்துள்ளன.

லிபியாவுக்கெதிரான ஐக்கிய நாடுகளின் ஆயுதத் தடையை அமுலாக்குவதைப் பணியாகக் கொண்ட ஐரோப்பிய ஒன்றியத்தின் இரினி நடவடிக்கையைச் சேர்ந்த ஜேர்மனியப் படைகள், லிபியாவுக்கு சட்டரீதியற்ற முறையில் ஆயுதங்களை எடுத்துச் செல்வதாக ஐரோப்பிய ஒன்றியம் சந்தேகித்த துருக்கிய சரக்குக் கப்பலொன்றில் இறங்கித் தேடியிருந்தனர்.