தாய்வான் விபத்தில் 18 பேர் பலி

தாய்வானின் கிழக்குக் கரையோரத்தில், சுற்றுலாத்துறைக்குப் பெயர்போன பகுதியில், நேற்று முன்தினம் (21) இடம்பெற்ற ரயில் விபத்தில், 18 பேர் உயிரிழந்ததோடு, 187 பேர் காயமடைந்த நிலையில், அது தொடர்பான துரித விசாரணைகளை மேற்கொள்ளப் போவதாக, அந்நாட்டு அதிகாரிகள், நேற்று (22) வாக்குறுதியளித்தனர்.

தாய்வானில், கடந்த 25 ஆண்டுகளில் இடம்பெற்ற மோசமான ரயில் விபத்தாக இது அமைந்திருந்த நிலையில், இது விபத்தா அல்லது மனிதத் தவறால் ஏற்பட்டதா என்பதற்காக, தடயவியல் ஆதாரங்களைத் திரட்டும் பணியில், அதிகாரிகள் ஈடுபட்டு வருகின்றனர்.