போதைப் பொருள் கடத்தல்; மலேசியாவில் மூவருக்கு மரண தண்டனை

மலேசியாவில் போதைப் பொருள் கடத்தல் தொடர்பில், மூவருக்கு மரண தண்டனை விதிக்கப்பட்டுள்ளது.

அத்துடன், வழக்கில் தொடர்புடைய இன்னொரு பெண்ணை பினாங்கு உயர் நீதிமன்றம் விடுவித்துள்ளது.

63 வயதுடைய மலேசியரான பாலகிருஷ்ணன், ஈரானியர்களான 37 வயது மொஹமட் அபாஸி யூனெஸ், 31 வயது நம்ஸிகி வாஜ் செயெத் ரெஸா ஆகிய மூவருக்கும் இவ்வாறு மரண தண்டனை விதிக்கப்பட்டுள்ளது.

2015 ஆம் ஆண்டு அந்த மூவரும் சுமார் 48 கிலோகிராம் போதைப் பொருளைக் கடத்த முயன்றதாகக் குற்றஞ்சாட்டப்பட்டிருந்ததுடன், போதைப் பொருள் ஒழிப்புப் பிரிவினர் மேற்கொண்ட சோதனையில், அவர்களின் கடத்தல் முயற்சி முறியடிக்கப்பட்டது.