மியான்மார் யங்கூனில் இராணுவச் சட்டம்

மியான்மாரின் வர்த்தகத் தலைநகரான யங்கூனிலுள்ள ஹலைங்தயா, சில மாவட்டக்களில் இராணுவச் சட்டம் அமுல்படுத்தப்பட்டுள்ளதாக, அரச ஊடகம் தெரிவித்துள்ளது.

ஹலையங்தயாவில், சீன தொழிற்சாலைகள் மீதான தீத் தாக்குதல்களையடுத்து, குறைந்தது 34 ஆர்ப்பாட்டக்காரர்களை, பாதுகாப்புப் படைகள் கொன்றதாக மியான்மார் நெள ஊடகக் குழுமம் தெரிவித்துள்ளது.

இந்நிலையில், ஏனைய இடங்களில் 16 பேர் கொல்லப்பட்டதாக அரசியல் கைதிகளுக்கான மனித உரிமைகள் உதவிச் சங்கம் தெரிவித்துள்ளது.

அந்தவகையில், இதுவரையில் ஆர்ப்பாட்டங்களில் உயிரிழந்தோரின் எண்ணிக்கையானது 138ஆக உயர்ந்துள்ளது.

நான்கு ஆடைத் தொழிற்சாலைகளையும், உரத் தொழிற்சாலையொன்று தீ வைக்கப்பட்டதையடுத்து, பாதுகாப்புப் படைகள் நடவடிக்கை எடுத்ததாக, இராணுவத்தால் நடத்தப்படும் மியாவட்டே தொலைக்காட்சி தெரிவித்துள்ளது.

இந்நிலையில், மொபைல் தரவானது மியான்மார் முழுவதும் நிறுத்தப்பட்டுள்ளது.