சம்பியனாகியது தெல்லிப்பழை யூனியன் கல்லூரி

- மு. தமிழ்ச்செல்வன், கே. கண்ணன், குணசேகரன் சுரேன், நடராசா கிருஷ்ணகுமார் 

வட மாகாண பாடசாலைகளுக்கிடையிலான 20 வயதுக்குட்பட்ட ஆண்களுக்கான எறிபந்தாட்டத் தொடரில் தெல்லிப்பழை யூனியன் கல்லூரி சம்பியனாகியது.

கோப்பாய் கிறிஸ்தவ கல்லூரி மைதானத்தில் கடந்த செவ்வாய்க்கிழமை நடைபெற்ற குறித்த தொடரின் இறுதிப் போட்டியில், 25-20, 25-21 என்ற நேர் செட்களில் முல்லைத்தீவு கோட்டைகட்டியகுளம் மகா வித்தியாலயத்தை வென்றே தெல்லிப்பழை யூனியன் கல்லூரி சம்பியனாகியிருந்தது.

இத்தொடரில் மூன்றாமிடத்தை நெல்லியடி மத்திய கல்லூரி பெற்றது.

இதில், இவ்வாண்டுக்கான சிறந்த எறிபந்தாட்ட வீரராக தெல்லிப்பழை யூனியன் கல்லூரியின் ஜெ. மதீசன் தெரிவானார்.