300 ​​அடி பள்ளத்தில் விழுந்த வான் : இருவர் படுகாயம்

கொழும்பிலிருந்து அக்கரபத்தனை நோக்கி பயணித்து கொண்டிருந்த வான் ஒன்று, அக்கரபத்தனை பிரதான வீதியிலிருந்து, 300 அடி  பள்ளத்தில் வீழ்ந்ததில், வான் சாரதி உட்பட அதில் பயணித்த ஒருவரும், படுகாயங்களுடன் லிந்துல வைத்தியசாலையில் அனுமதிக்கப்பட்டுள்ள நிலையில், தற்பொழுது மேலதிக சிகிச்சைகளுக்காக நுவரெலியா வைத்தியசாலைக்கு மாற்றப்பட்டுள்ளதாகத் தெரிவிக்கப்பட்டுள்ளது.

இன்று (24) அதிகாலை 1.00 மணியளவில் அக்கரபத்தனை பிரதான வீதியில், நாகசேன பிரதேசத்தில் குறித்த விபத்து இடம்பெற்றுள்ளது.

குறித்த வானின் சாரதிக்கு நித்திரை ஏற்பட்டுள்ளமையாலேயே, விபத்து நேர்ந்துள்ளதாக லிந்துலப் பொலிஸார் தெரிவித்துள்ளனர்.