‘அடிப்படை உரிமையாக யாப்பில் சேர்க்கப்பட்டுள்ள சட்டம்’

தற்பொழுது நடைமுறையில் காணப்படும் தகவல் அறியும் சட்டத்தின் மூலம் பெரும்பாலான தகவல்களை பெற்றுகொள்ள முடியுமென்று, அரசாங்க தகவல் திணைக்களப் பணிப்பாளர் நாயகம் சட்டத்தரணி, சுதர்சன குணவர்தன தெரிவித்தார்.

இன்று (20) ஊடகத்துறை அமைச்சில் இடம்பெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே, அவர் இவ்வாறு தெரிவித்தார்.

தகவல் அறியும் சட்டம் தற்பொழுது அடிப்படை உரிமையாக யாப்பில் உள்ளடக்கப்பட்டுள்ளதனால், தகவலை பெற்றுகொள்வதற்கான ​அழுத்தத்தை மேற்கொள்வதற்கு இச்சட்டம் பெரிதும் உதவுகின்றதெனத் தெரிவித்ததோடு, உரிய முறையில் தகவல்கள் வழங்கப்படாத பட்சத்தில், அதனை மேல் முறையீடு செய்து பெற்றகொள்ள முடியுமெனவும், அவர் மேலும் தெரிவித்தார்.