அவமதிப்பு வழக்கு; ஞானசார குற்றவாளி

ஊடகவியலாளர் பிரகீத் எக்னெலிகொடவின் மனைவி சந்யா எக்னெலிகொடவை ஹோமாகம நீதிமன்றில் வைத்து, அவதூறாக பேசி அச்சுறுத்திய சம்பவம் தொடர்பில் பொதுபல சேனா அமைப்பின் பொதுச் செயலாளர் கலகொடஅத்தே ஞானசார தேரர் குறித்த வழக்கின் குற்றவாளி என, ஹோமாகம நீதிமன்ற நீதவான் உதேஷ் ரணதுங்க, நேற்று (24) அறிவித்தார்.

மேலும், அவரது கைவிரல் அடையாளத்தைப் பெற்றுக்கொள்ளுமாறு கட்டளையிட்ட நீதவான், அடையாளம் காண்பதற்கும், தண்டனை அறிவிப்பதற்குமான திகதியை இதன்போது நீதவான் குறித்தார். அதனடிப்படையில், எதிர்வரும் 14ஆம் திகதியன்று, அடையாளம் காணப்பட்டு, தண்டனை அறிவிக்கப்படவுள்ளது.   

ஹோமாகம நீதிமன்றில் சந்தியா எக்னெலிகொடவை, 2016ஆம் ஆண்டு ஜனவரி மாதம் 25ஆம் திகதியன்று அவதூறாகப் பேசி அச்சுறுத்தினார் என்ற குற்றச்சாட்டுகளின் பிரகாரம், குற்றவியல் தண்டனைக் கோவை சட்டத்தின் கீழ், அவருக்கெதிராக ஹோமாகம பொலிஸாரால் குறித்த வழக்கு தாக்கல் செய்யப்பட்டிருந்தது.