கொழும்பில் இன்று பேரணி

-எம்.எஸ்.எம். ஹனீபா

9 கோரிக்கைகளை முன்வைத்து, நாடளாவிய ரீதியில், கடந்த ஏழு நாட்களாகப் பணிப்பகிஷ்கரிப்பில் ஈடுபட்டுள்ள ஒன்றிணைந்த தபால் ஊழியர் தொழிற்சங்கக் கூட்டமைப்பு, கொழும்பில் இன்று காலை 10:30க்கு, பேரணியொன்றை நடத்தவுள்ளது.

அஞ்சல் தலைமை அலுவலகத்துக்கு முன்பாக ஆரம்பிக்கப்படவுள்ள இந்தப் பேரணி, ஜனாதிபதி செயலகம் வரை செல்லுமென்று தெரிவித்த அஞ்சல் திணைக்கள உத்தியோகத்தர்கள் சங்கத்தின் பொதுச் செயலாளர் யூ.எல்.எம்.பைஸர், இப்பேரணியில், சுமார் 22 தொழிற்சங்கங்களின் பிரதிநிதிகள் கலந்துகொள்ளவுள்ளனர் என்றார்.

ஒன்றிணைந்த தபால் தொழிற்சங்கக் கூட்டமைப்பு, மேற்படி 9 கோரிக்கைகளை முன்வைத்து, கடந்த திங்கட்கிழமையன்று (11) பிற்பகல் 4 மணி முதல், தொடர்ச்சியான வேலைநிறுத்தத்தில் ஈடுபட்டு வருகின்றது.