தீ விபத்தில் வயோதிப பெண் பலி

இராஜகிரிய , களபலுவாவ பகுதியிலுள்ள வீடொன்றில் திடீரென ஏற்பட்ட தீயினால் வயோதிப பெண் ஒருவர் நேற்று (22) உயிரிழந்ததாக வெலிகடப் பொலிஸார் தெரிவித்தனர்.

இந்தச் சம்பவத்தில் 83 வயதான வயோதிப பெண்ணொருவரே  உயிரிழந்துள்ளார்.

இதன்போது, அவருடன் வசித்துவந்த 52 வயதான மகளுக்கு எந்ததொரு பாதிப்பும் ஏற்படவில்லையெனவும், இவர் மனநிலை பாதிக்கப்பட்டவர் எனவும் பொலிஸார் தெரிவிக்கின்றனர்.

தீ விபத்து ஏற்பட்டமைக்கான காரணம் இன்னும் கண்டறியப்படவில்லை. சம்பவம் தொடர்பில் வெலிகடப் பொலிஸார் மேலதிக விசாரணையை முன்னெடுத்துள்ளனர்.