நாட்டை வந்தடைந்தார் அஜித் டோவால்

இந்திய தேசிய பாதுகாப்பு ஆலோசகர் அஜித் டோவால் முக்கிய விஜயமொன்றை மேற்கொண்டு  நாட்டை வந்தடைந்துள்ளார்.

இலங்கை, இந்தியா மற்றும் மாலைதீவு  நாடுகளுக்கு இடையிலான கடல்சார் பாதுகாப்பு ஒத்துழைப்பு மாநாட்டில் கலந்து கொள்வதற்காக  அவர் இந்த விஜயத்தை மேற்கொண்டுள்ளார்.

இலங்கை வரும் இந்திய தேசிய பாதுகாப்பு ஆலோசகர், ஜனாதிபதி கோட்டாபய ராஜபக்‌ஷ மற்றும் பிரதமர் மஹிந்த ராஜபக்‌ஷ ஆகியோரை சந்திக்கவுள்ளதாக தெரிவிக்கப்படுகின்றது.

இன்றும், நாளையும் கொழும்பில் நடக்கவுள்ள முத்தரப்பு கடல்சார் பாதுகாப்பு ஒத்துழைப்பு மாநாட்டில் அஜித் டோவால் பங்கேற்பார்.