நாடாளுமன்ற குழப்ப நிலை அறிக்கை சபாநாயகரிடம் கையளிப்பு

கடந்தாண்டு நவம்பர் மாதம் 14, 15, 18ஆகிய திகதிகளில் நாடாளுமன்றத்தில் ஏற்பட்ட  குழப்ப நிலைத் தொடர்பான அறிக்கை  சபாநாயகர் கரு ஜயசூரியவிடம் இன்று கையளிக்கப்பட்டுள்ளது.

இன்று பகல் 12.20 மணியளவில் இந்த அறிக்கை சபாநாயகரிடம் கையளிக்கப்பட்டுள்ளது.

குறித்த குழப்ப நிலைத் தொடர்பில் ஆராய சபாநாயகர் கரு ஜயசூரியவால்,  பிரதி சபாநாயகர் ஆனந்த குமாரசிறி தலைமையில் 6 ​பேர் அடங்கிய ​குழுவொன்று நியமிக்கப்பட்டது.

இந்த குழப்ப நிலைத்  தொடர்பில் பாதுகாப்பு கமரா உள்ளிட்ட பல விடயங்களை அடிப்படையாகக் கொண்டு முன்னெடுத்த விசாரணை அறிக்கையே இன்று சபாநாயகரிடம் கையளிக்கப்பட்டுள்ளது.