நிறைவேற்று அதிகாரமுடைய ஜனாதிபதி முறையை நீக்குவதற்கு எதிர்ப்பு

நிறைவேற்று அதிகாரமுடைய ஜனாதிபதி முறையை நீக்குவதற்கு தமது கட்சி எதிர்ப்பினை வெளியிடுவதாக, பிவிதுரு ஹெல உறுமய தெரிவித்துள்ளது.

ஒன்றிணைந்த கூட்டணியானது இது தொடர்பில் நிரந்தரமான அறிக்கை எதனையும் வெளியிடவில்லையென்று அந்தக் கட்சியின் ஊடகச் செயலாளர் துசார​ திசாநாயக்க தெரிவித்துள்ளார்.

 கொழும்பில் இன்று இடம்பெற்ற ஊடகசந்திப்பிலேயே அவர் இதனைத் தெரிவித்தார்.

நிறைவேற்று அதிகாரமுடைய ஜனாதிபதி முறையை நீக்குவதற்கு முயற்சி எடுத்தால், அதற்கு எதிராக சட்டநடவடிக்கை எடுக்கப்படுமெனவும், இது தொடர்பில் பிவிதுரு ஹெல உறுமய கட்சிக் கூட்டத்தில் தமது கட்சியின் உறுதியான நிலைப்பாட்டை தெளிவுப்படுத்தவுள்ளதாகவும் அவர் குறிப்பிட்டார்.