புத்தளத்தில் வௌ்ளம்- மீட்புப் பணியில் இராணுவத்தினர்

ஹிரான் பிரியங்கர ஜயசிங்க

புத்தளம் மாவட்டத்தில் வௌ்ளத்தினால் பாதிக்கப்பட்டுள்ள மக்களை மீட்கும் பணியில், இன்று அதிகாலை (25) முதல், கஜபா ரெஜிமென்து படையணியைச் சேர்ந்த இராணுவ வீரர்கள் ஈடுபட்டு வருகின்றனர்.

புத்தளம்- தம்போவ, நாத்தன்டிய, மஹாவெவ, பள்ளம, மாதம்பே ஆகிய பிரதேசங்களில் 300 குடும்பங்களைச் சேர்ந்த சுமார் 1000 பேர், வௌ்ளத்தினால் பாதிக்கப்பட்டுள்ளதுடன், அவர்கள் இராணுவத்தினரால் மீட்கப்பட்டு பாதுகாப்பான இடங்களில் தங்க வைக்கப்பட்டுள்ளனர் என, புத்தளம் மாவட்ட அனர்த்த முகாமைத்துவ நிலையத்தின், உதவி
முகாமைத்துவப் பணிப்பாளர், ஏ.எம்.ஆர். அலஹகோன் தெரிவித்துள்ளார்.