’பொலிஸாருக்கு காத்திருக்கும் மற்றுமொரு கடமை’

தடைசெய்யப்பட்ட பொலித்தீன்களை உற்பத்தி செய்யும், விற்பனை செய்யும் நபர்களை சட்டத்தின் பிடியில் சிக்க வைப்பதற்கு, பொலிஸாரின் உதவியைப் பெற்றுக்கொள்ள, மத்திய சுற்றாடல் அதிகாரசபையினர் தயாராகி வருவதாகத் தெரிவிக்கப்படுகின்றது.

இதற்குத் தேவையான சட்டத்தை உருவாக்கும் வேலைத்திட்டங்கள் தற்போது முன்னெடுக்கப்பட்டு வருவதாக மத்திய சுற்றாடல் அதிகார சபையின் கழிவுகளுக்கான முகாமைத்துவப் பிரிவின் பிரதி பணிப்பாளரும், பொறியியலாளருமான உபாலி இந்திரரத்ன தெரிவித்துள்ளார்.

அதற்கமைய, பொலிஸார் போக்குவரத்து சட்டங்களை நடைமுறைப்படுத்துவதைப் போன்றே, சுற்றாடல் தொடர்பான சட்டத்தையும் நடைமுறைப்படுத்துவரென எதிர்பார்ப்பதாகவும் அவர் குறிப்பிட்டுள்ளார்.

இதேவேளை இந்த வருடத்தின் இதுவரையான காலப்பகுதிக்குள் அரசாங்கத்தால் தடைசெய்யப்பட்ட பொலித்தீனை உற்பத்தி செய்த 300 உற்பத்தியாளர்களுக்கு எதிராக வழக்குத் தொடரப்பட்டுள்ளதாகவும், உபாலி இந்திரரத்ன தெரிவித்துள்ளார்