பொலிஸ் உத்தியோகத்தர் வைத்தியசாலையில் அனுமதி

அனுராதபுரம், எல்ல பிரதான வீதி, அம்பன்பொல பிரதேசத்தில் வைத்து,  பொலிஸ் உத்தியோகத்தர் ஒருவர் பரிசோதனைக்காக லொரியொன்றை நிறுத்த முற்பட்ட வேளையில்,  குறித்த லொரியில்  விபத்துக்குள்ளாகி,  வைத்தியசாலையில் அனுமதிக்கப்பட்டுள்ளார்.

அம்பன்பொல பொலிஸ் நிலையத்தில் கடமையாற்றும் ,ரத்னாயக்க (38341) என்ற பொலிஸ் கான்ஸ்டபிள் ஒருவரே சம்பவத்தில் விபத்துக்குள்ளானதாகத் தெரிவிக்கப்பட்டுள்ளது.

இதனை தொடர்ந்து குறித்த லொரியின் சாரதியை கைது செய்துள்ளதோடு, லொரியையும் கைப்பற்றியுள்ளதாகத் தெரிவித்தப் பொலிஸார், குறித்த சம்பவம் தொடர்பில் மேலதிக விசாரணைகளை மேற்கொண்டு வருவதாகவும் தெரிவித்தனர்.