சமாதான நீதவான் நியமனம்

கிண்ணியா, குறிஞ்சாக்கேணியைச் சேர்ந்த மொஹமட் இஸ்மாயில் மொஹமட் மின்பாக், தீவு முழுவதுக்குமான ஒரு சமாதான நீதவானாக, நீதியமைச்சர் விஜயதாச ராஜபக்ஷவால் நியமிக்கப்பட்டுள்ளார்.

குறிஞ்சாக்கேணி அரபா மகா வித்தியாலயத்தில் பாடசாலைக் கல்வியைக் கற்ற இவர், இலங்கை திறந்த பல்கலைக்கழகத்திலும் இந்தியா பல்கலைக்கழகத்திலும் கலைமானிப் பட்டம் பெற்றுள்ளார்.

கிண்ணியா பிரதேச செயலகப் பிரிவில் சமுர்த்தி உத்தியோகத்தராகவும் சமுர்த்தி முகாமையாளராகவும் கடமையாற்றியுள்ள இவர், சேருவில, தோப்பூர், கிண்ணியா, மூதூர் பிரதேச மக்களுக்குச் சேவையாற்றி வருகின்றார்.

இவ்வாண்டு, இலங்கையின் தேசிய அபிமானியாகவும் இவர் பட்டம் பெற்றுள்ளமை குறிப்பிடத்தக்கது.