அரையிறுதியில் பெயார்ண் மியூனிச்

ஜேர்மனியக் கால்பாந்தாட்டக் கழகங்களுக்கிடையிலான விலகல் முறையிலான ஜேர்மனியக் கிண்ணத் தொடரின் அரையிறுதிப் போட்டிக்கு பெயார்ண் மியூனிச் தகுதிபெற்றுள்ளது.

நேற்று இடம்பெற்ற எஸ்.சி படெர்போர்ன் 07 அணியுடனான போட்டியில் 6-0 என்ற கோல் கணக்கில் வென்றே அரையிறுதிப் போட்டிக்கு பெயார்ண் மியூனிச் தகுதிபெற்றுள்ளது. பெயார்ண் மியூனிச் சார்பாக, ஆர்ஜன் றொபின் இரண்டு கோல்களையும் கிங்ஸ்லி கோமன், றொபேர்ட் லெவன்டோஸ்கி, ஜோஷுவா கிம்மிச், கொரென்டின் டொலிஸோ ஆகியோர் தலா ஒவ்வொரு கோலைப் பெற்றனர்.