இங்கிலாந்தை வென்றது நியூசிலாந்து

நியூசிலாந்து, இங்கிலாந்து அணிகளுக்கிடையிலான ஐந்து போட்டிகள் கொண்ட ஒருநாள் சர்வதேச போட்டித் தொடரில், ஹமில்டனில் இன்று இடம்பெற்ற முதலாவது போட்டியில் 3 விக்கெட்டுகளால் நியூசிலாந்து வென்றது.

இப்போட்டியில், முதலில் துடுப்பெடுத்தாடிய இங்கிலாந்து, 50 ஓவர்களில் 8 விக்கெட்டுகளை இழந்து 284 ஓட்டங்களைப் பெற்றது. துடுப்பாட்டத்தில், ஜொஸ் பட்லர் 79 (65), ஜோ றூட் 71 (75), ஜேஸன் றோய் 49 (66), மொயின் அலி 28 (26) ஓட்டங்களைப் பெற்றனர். பந்துவீச்சில், மிற்செல் சான்ட்னெர், இஷ் சோதி, ட்ரெண்ட் போல்ட் ஆகியோர் தலா 2, கொலின் மன்றோ ஒரு விக்கெட்டைக் கைப்பற்றினர்.

பதிலுக்கு, 285 ஓட்டங்களை வெற்றியிலக்காகக் கொண்டு துடுப்பெடுத்தாடிய நியூசிலாந்து, 49.2 ஓவர்களில் 7 விக்கெட்டுகளை இழந்த நிலையில் வெற்றியிலக்கையடைந்தது. துடுப்பாட்டத்தில், றொஸ் டெய்லர் 113 (116), டொம் லேதம் 79 (84), மிற்செல் சான்ட்னெர் ஆட்டமிழக்காமல் 45 (27) ஓட்டங்களைப் பெற்றனர். பந்துவீச்சில், பென் ஸ்டோக்ஸ், கிறிஸ் வோக்ஸ் ஆகியோர் தலா 2, டேவிட் வில்லி, அடில் ரஷீட், டொம் குரான் ஆகியோர் தலா ஒவ்வொரு விக்கெட்டைக் கைப்பற்றினர்.

இப்போட்டியின் நாயகனாக றொஸ் டெய்லர் தெரிவானார்.