ஐந்தாமிடத்துக்கு முன்னேறினார் வோணர்

சர்வதேச கிரிக்கெட் சபையால் இன்று வெளியிடப்பட்ட டெஸ்ட் போட்டிகளுக்கான துடுப்பாட்டவீரர்களுக்கான தரவரிசையில் ஐந்தாமிடத்துக்கு அவுஸ்திரேலியாவின் டேவிட் வோணர் முன்னேறியுள்ளார்.

பாகிஸ்தானுக்கெதிரான இரண்டாவது டெஸ்டில் 335 ஓட்டங்களைப் பெற்றதைத் தொடர்ந்தே, 17ஆம் இடத்திலிருந்து 12 இடங்கள் முன்னேறி ஐந்தாமிடத்தை வோணர் அடைந்துள்ளார்.

இந்நிலையில், குறித்த போட்டியில் 36 ஓட்டங்களையே அவுஸ்திரேலியாவின் முன்னாள் தலைவர் ஸ்டீவ் ஸ்மித் பெற்றிருந்த நிலையில், அவர் முதலாமிடத்திலிருந்து இரண்டாமிடத்துக்கு கீழிறங்க, இரண்டாமிடத்திலிருந்த இந்திய அணியின் தலைவர் விராட் கோலி, முதலாமிடத்துக்கு முன்னேறியுள்ளார்.

இதேவேளை, நியூசிலாந்துக்கெதிரான இரண்டாவது டெஸ்டில் 226 ஓட்டங்களைப் பெற்றிருந்த இங்கிலாந்து அணியின் தலைவர் ஜோ றூட், 11ஆம் இடத்திலிருந்து நான்கு இடங்கள் முன்னேறி ஏழாமிடத்தை அடைந்துள்ளார்.

இந்நிலையில், பாகிஸ்தானுக்கெதிரான இரண்டாவது டெஸ்டில் 162 ஓட்டங்களைப் பெற்றிருந்த அவுஸ்திரேலியாவின் மர்னுஸ் லபுஷைன், 14ஆம் இடத்திலிருந்து ஆறு இடங்கள் முன்னேறி எட்டாமிடத்தை பிடித்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. விராட் கோலி, 2. ஸ்டீவ் ஸ்மித், 3. கேன் வில்லியம்சன், 4. செட்டேஸ்வர் புஜாரா, 5. டேவிட் வோணர், 6. அஜின்கியா ரஹானே, 7. ஜோ றூட், 8. மர்னுஸ் லபுஷைன், 9. ஹென்றி நிக்கொல்ஸ், 10. திமுத் கருணாரத்ன.

முதல் 10 துடுப்பாட்டவீரர்களின் தரவரிசை பின்வருமாறு,

1. பற் கமின்ஸ், 2. ககிஸோ றபாடா, 3. ஜேஸன் ஹோல்டர், 4. நீல் வக்னர், 5. ஜஸ்பிரிட் பும்ரா, 6. வேர்ணன் பிலாந்தர், 7. ஜேம்ஸ் அன்டர்சன், 8. ஜொஷ் ஹேசில்வூட், 9. இரவிச்சந்திரன் அஷ்வின், 10. மொஹமட் ஷமி.

முதல் ஐந்து சகலதுறைவீரர்களின் தரவரிசை பின்வருமாறு,

1. ஜேஸன் ஹோல்டர், 2. இரவீந்திர ஜடேஜா, 3. பென் ஸ்டோக்ஸ், 4. வேர்ணன் பிலாந்தர், 5. இரவிச்சந்திரன் அஷ்வின்.