சம்பியனானார் பிளிஸ்கோவா

ஸ்டட்கார்ட் பகிரங்க டென்னிஸ் தொடரில், உலகின் ஆறாம் நிலை வீராங்கனையான செக் குடியரசின் கரோலினா பிளிஸ்கோவா சம்பியனானார்.

நேற்று இடம்பெற்ற இறுதிப் போட்டியில், 7-6 (7-2), 6-4 என்ற நேர் செட்களில் ஐக்கிய அமெரிக்காவின் கொக்கோ வன்டவகேயை வென்றே கரோலினா பிளிஸ்கோவா சம்பியனாகியிருந்தார்.

இப்போட்டியின் இரண்டாவது செட்டின் ஆரம்பத்தில் வீழ்ந்து கையில் காயமடைந்ததைத் தொடர்ந்து மருத்துவ இடைவெளியொன்றை எடுத்துக் கொண்ட கொக்கோ வன்டவகேயுள்ள கரோலினா பிளிஸ்கோவாவின் சக்திவாய்ந்த தாக்குதல் ஆட்டத்தை தடுத்திருக்க முடியவில்லை.