நான்காவது சுற்றில் சிலிச், ஸ்விட்டோலினா

மியாமி பகிரங்க டென்னிஸ் தொடரின் மூன்றாவது சுற்றுப் போட்டிகளில் வெற்றிபெற்ற உலகின் மூன்றாம் நிலை வீரரான மரின் சிலிச், நான்காம் நிலை வீராங்கனையான எலினா ஸ்விட்லோலினா ஆகியோர் நான்காவது சுற்றுக்குத் தகுதிபெற்றுள்ளனர்.

குரோஷியாவின் மரின் சிலிச், 7-5, 7-6 (7-4) என்ற நேர் செட்களில் கனடாவின் வஸேக் பொஸ்பிஸில்லை வென்றார்.

உக்ரேனின் எலினா ஸ்விட்டோலினா, 4-6, 6-0, 6-1 என்ற செட் கணக்கில் அவுஸ்திரேலியாவின் டரியா கவ்ரிலோவாவை வென்றார்.

இதேவேளை, உலகின் நான்காம் நிலை வீரரான பல்கேரியாவின் கிறிகர் டிமிட்ரோட், தனது மூன்றாவது சுற்றுப் போட்டியில் 4-6, 4-6 என்ற நேர் செட்களில் பிரான்ஸின் ஜெரெமி சார்டியிடம் தோல்வியுற்று தொடரிலிருந்து வெளியேறினார்.

இந்நிலையில், உலகின் ஆறாம் நிலை வீரரான, ஜுவான் மார்ட்டின் டெல் போத்ரோ, தனது மூன்றாவது சுற்றுப் போட்டியில், 6-2, 6-2 என்ற நேர் செட்களில் ஜப்பானின் கீ நிஷிகோரியை வென்று நான்காவது சுற்றுக்குத் தகுதிபெற்றார்.