நெதர்லாந்திடம் தோற்றது போர்த்துக்கல்

இடம்பெற்றுவரும் நாடுகளுக்கிடையிலான சிநேகபூர்வ கால்பந்தாட்ட போட்டிகளில், நேற்று  நடைபெற்ற போட்டியொன்றில் 0-3 என்ற கோல் கணக்கில் நெதர்லாந்திடம் போர்த்துக்கல் தோற்றது. நெதர்லாந்து சார்பாக, மெம்பிஸ் டிபே, றயான் பார்பெல், வேர்ஜில் வான் டிஜிக் ஆகியோர் தலா ஒவ்வொரு கோலைப் பெற்றிருந்தனர்.

இதேவேளை, நேற்று இடம்பெற்ற மற்றொரு போட்டியில் 1-0 என்ற கோல் கணக்கில் வேல்ஸை உருகுவே வென்றது. உருகுவே சார்பாகப் பெறப்பட்ட கோலை எடின்சன் கவானி பெற்றார்.