முழுப் பலத்துடன் களமிறங்குமா தென்னாபிரிக்கா?

அவுஸ்திரேலியாவுக்கெதிரான மூன்று போட்டிகள் கொண்ட டெஸ்ட் தொடரில் முழுப் பலத்துடனான தென்னாபிரிக்க அணி களமிறங்குவது சந்தேகத்துக்கிடமானதாகவே காணப்படுகிறது.

சிரேஷ்ட துடுப்பாட்ட வீரரான ஏ.பி டி வில்லியர்ஸ், விக்கெட் காப்பாளர் குயின்டன் டி கொக் ஆகியோர் முதலாவது டெஸ்டுக்கு தயாராகி விடுவார்கள் என எதிர்பார்க்கப்படுகின்றபோதும் அணித்தலைவர் பப் டு பிளெஸி முதலாவது போட்டியில் விளையாடுவது சந்தேகத்துக்கிடமானதாகவே காணப்படுகிறது.

இந்நிலையில், துடுப்பாட்ட வீரர் தெம்பா பவுமா இரண்டாவது டெஸ்டுக்குத் தயாராவார் என எதிர்பார்க்கப்படுவதோடு, சிரேஷ்ட வேகப்பந்துவீச்சாளர் டேல் ஸ்டெய்ன் மூன்றாவது டெஸ்டிலேயே விளையாடக் கூடிய சந்தர்ப்பங்கள் காணப்படுகின்றன.